Nəqliyyat texnologiyaları fakültəsi

Nəqliyyat texnologiyaları fakültəsi

Milli Aviasiya Akademiyasının «Nəqliyyat texnologiyaları» fakültəsi 2014-cü ildə «Avianəqliyyat istehsalatı» fakültəsinin əsasında təsis olunmuşdur.

«Nəqliyyat texnologiyaları» fakültəsinin dekanı vəzifəsini h.f.d., dosent Nazim Teymur oğlu Nağıyev icra edir.

Fakültənin missiyası – nəqliyyatda daşımaların və idarəetmənin təşkili, texnoloji proseslərin və istehsalatın təhlükəsizliyi, logistik zəncirlərin və nəqliyyat dəhlizlərinin idarə olunması, o cümlədən mülki aviasiya sistemində avianəqliyyat istehsalatının və aviasiya təhlükəsizliyinin təmini, aviadaşımaların (sərnişinlərin və yüklərin) tənzimlənməsi, aeroportların və terminalların layihələndirilməsi, avtomatlaşdırılmış bronlaşdırma sistemlərinin istismarı, qəza-xilasetmə və axtarış işlərinin yerinə yetirilməsi və bu kimi digər istiqamətlər üzrə mütəxəssislərin hazırlığından ibarətdir. 

Fakültənin məzunları nəqliyyat sektoru və mülki aviasiya sistemi ilə yanaşı ölkə iqtisadiyyatının və sənayenin müxtəlif sahələrində, bir sıra nazirlik və dövlət qurumlarında, banklarda, kommersiya təşkilatlarında uğurla çalışırlar. Fakültənin məzunları eyni zamanda MAA-nın, ölkəmizin, eləcə də xarici dövlətlərin universitetlərinin magistratura və doktorantura pillələrində təhsillərini davam etdirir, daxili və xarici aviaşirkət və nümayəndəliklərdə müvəffəqiyyətlə fəaliyyət göstərirlər.

Fakültədə 6 ixtisas üzrə bakalavr və 3 ixtisas üzrə magistr hazırlığı həyata keçirilir. Tədris Azərbaycan və rus dillərində aparılır. Bakalavriat ixtisasları üçün normativ təhsil müddəti 4 il, magistratura ixtisasları üçün 2 ildir.

«Nəqliyyat texnologiyaları» fakültəsinin bakalavriat pilləsi üzrə ixtisasları:

2019-cu il 11 fevral tarixli 45 nömrəli Qərarla təsdiq edilmiş təsnifata əsasən

 

2009-cu il 12 yanvar tarixli 8 nömrəli Qərarla təsdiq edilmiş təsnifata əsasən

  • 050613 – Avianəqliyyat istehsalatının təşkili mühəndisliyi
  • 050623 – Nəqliyyatda daşımaların və idarəetmənin təşkili mühəndisliyi
  • 050617 – Hava nəqliyyatında texnoloji proseslərin və istehsalatın təhlükəsizliyi mühəndisliyi

«Nəqliyyat texnologiyaları» fakültəsinin magistratura pilləsi üzrə ixtisasları:

  • 060623 – Nəqliyyatda daşımaların və idarəetmənin təşkili mühəndisliyi
  • 060617 – Hava nəqliyyatında texnoloji proseslərin və istehsalatın təhlükəsizliyi mühəndisliyi

«Nəqliyyat texnologiyaları» fakültəsinə aşağıdakı kafedralar daxildir:

  • Avianəqliyyat istehsalatı kafedrası

Kafedra müdiri: t.f.d., dosent Elman Mehdi oğlu Nəcəfov.

  • Aviasiya təhlükəsizliyi kafedrası

Kafedra müdiri: t.f.d., dosent Ramil Məmməd oğlu Muxtarov.

  • Nəqliyyat mexanikası kafedrası

Kafedra müdiri: t.e.d., professor Əhəd Xanəhməd oğlu Canəhmədov.

  • Kimya və materialşünaslıq kafedrası

Kafedra müdiri: k.e.n., dosent Sevda Xurşud qızı Məmmədova.

«Nəqliyyat texnologiyaları» fakültəsinin ümumi akademik olan «Nəqliyyat mexanikası» və «Kimya və materialşünaslıq» kafedraları MAA-nın ixtisas qruplarının tələbələrinə mühəndis və maşın qrafikası, nəzəri və tətbiqi mexanika, materiallar mexanikası, maşınlar nəzəriyyəsi, maşın hissələri, eləcə də kimya, aerokosmik materiallar və texnologiyalar, CAD-CAE-CAM texnologiyaları və digər fənlər üzrə mühəndis biliklərini verirlər.

Milli Aviasiya Akademiyasının «Nəqliyyat texnologiyaları» fakültəsində hazırlığı aparılan və yeni təsis olunan ixtisasların kafedralar üzrə bölgüsü

Kafedralar İxtisaslar
Bakalavriat səviyyəsinin ixtisasları Magistratura səviyyəsinin ixtisasları
Hazırlığı davam etdirilən ixtisaslar (Azərbaycan Respublikası Nazirlər Kabinetinin 2009-cu il 12 yanvar tarixli 8 nömrəli Qərarı ilə təsdiq edilmiş təsnifata əsasən) Yeni ixtisaslar (Azərbaycan Respublikası Nazirlər Kabinetinin 2019-cu il 11 fevral tarixli 45 nömrəli Qərarı ilə təsdiq edilmiş təsnifata əsasən)
1 Avianəqliyyat istehsalatı 050613 - Avianəqliyyat istehsalatının təşkili mühəndisliyi

050621 - Logistika və nəqliyyat texnologiyaları mühəndisliyi

060623 - Nəqliyyatda daşımaların və idarəetmənin təşkili mühəndisliyi (İxtisaslaşma: Nəqliyyat logistikası)
050623 - Nəqliyyatda daşımaların və idarəetmənin təşkili mühəndisliyi

050806 - Nəqliyyatda servis (nəqliyyat növləri üzrə)

2 Aviasiya təhlükəsizliyi 050617 - Hava nəqliyyatında texnoloji proseslərin və istehsalatın təhlükəsizliyi mühəndisliyi

050603 - Aviasiya təhlükəsizliyi mühəndisliyi

060617 - Hava nəqliyyatında texnoloji proseslərin və istehsalatın təhlükəsizliyi mühəndisliyi (İxtisaslaşmalar: 1.Hava nəqliyyatında texnoloji proseslərin və istehsalatın təhlükəsizliyi. 2. Aviasiya təhlükəsizliyi)
3 Nəqliyyat mexanikası
4 Kimya və materialşünaslıq

Əlaqə

(+994 12) 525 98 08 (24-95)

nnaghiyev@naa.edu.az (Nazim Nağıyev)

mnasirova@naa.edu.az (Məhluqə Nəsirova)

avaliyeva@naa.edu.az (Aygün Vəliyeva)