08-09 iyun 2024-cü il tarixlərində Azərbaycan Robotexnika Mühəndisliyi Akademiyasının rəsmi təşkilatçılığı və Azərbaycan Respublikasının Gənclər və İdman Nazirliyi və Rəqəmsal İnkişaf və Nəqliyyat Nazirliyinin dəstəyi ilə Technoxian Azərbaycan Dünya Robot Çempionatı keçirilmişdir. Çempionatda Milli Aviasiya Akademiyasından (MAA) RC Craft/Planer üzrə 2, dron üzrə 2, robot yarışması üzrə 1, cəmi 5 komanda iştirak etmişdir.
Milli Aviasiya akademiyasının 2572i qrup tələbəsi Aqşin Əhmədli və 2573i qrup tələbəsi Rza Qasımov İnnovasiya Kategoriyası üzrə LidAi komandası olaraq 1 ci yerə layiq görülüb.Tələbələrimiz cari ilin avqustunda Hindistanın Yeni Delhi şəhərində keçiriləcək Dünya Finalında Ölkəmizi təmsil etmə hüququ qazanıblar. Yekunda MAA-nın “Aerokosmik mühəndislik” ixtisasının 2132a2 qrup tələbələri Ləman Musazadə və Əminə Məmmədovadan ibarət komanda FPV Dron kateqoriyası üzrə 2-ci yerə, 2132a2 qrup tələbəsi Fuad Mahmudlu, 2543a qrup tələbəsi Şərif Mehdizadə və 2453r qrup tələbəsi Ruslan Həmidovdan ibarət komanda RC Craft kateqoriyası üzrə 2-ci yerə, 2132a2 qrup tələbələri Məhəmmədəli İsmayılov, Abiddin Hüseynov və Nihat Xancanlıdan ibarət komanda FPV Dron kateqoriyası üzrə 4-cü yerə, 2572i qrup tələbəsi Cəfər Sadiq, 2572r qrup tələbələri İsayev Elçin və Həsənov Asifdən ibarət komanda isə Robot döyüşləri kateqoriyası üzrə 7-ci yerə layiq görülmüşlər.
