Milli Aviasiya Akademiyası ərazisində inşa olunan beşmərtəbəli Otel «Akademiya» əcnəbi tələbələr və qonaqlar üçün nəzərdə tutulmuşdur. Müasir üslublu, tam təchiz edilmiş İkinəfərlik 84 ədəd birotaqlı, 8 ədəd ikinəfərlik lüks otaqlarda tələbələrin rahatlığı üçün hər cür şərait mövcuddur.

Mərkəzi istilik və soyutma sistemi ilə təchiz edilmiş Otel «Akademiya»nın bütün mərtəbələrində yanğın əleyhinə avadanlıqlar quraşdırılmış, eyni zamanda bina yüksək sürətli internet şəbəkəsi ilə də təchiz olunmuşdur.

Otel ərazisində mühafizə komandası təhlükəsizliyə kameralarla daimi olaraq nəzarət edir.

Oteldə mütəmadi olaraq sanitar – epidemioloji və şəxsi gigiyena qaydalarına əməl olunmaqla təmizlik işləri həyata keçirilir.

Otel «Akademiya»nın yeməkxanası zəngin yemək çeşidləri ilə tələbələrin xidmətindədir.