“Radiotexnika, radionaviqasiya, radiolokasi­ya və televiziya sistemləri və qurğuları” – radiorabitə, radionaviqasiya, radiolokasiya və televiziya vasitələrində, həmçinin biologiyada, təbabətdə, metrologiyada, sənaye texnologiya­sında informasiyanın verilməsi, qəbulu, ayrıl­ma­sı və dağıdılması üçün radiodalğaları istifadə edən elm və texnika sahəsi olub, özün­də tədqiqatları, işləmələri, müxtəlif məqsədli radio­tex­niki sistem və qurğuların layihə­lən­di­r­məsini və istismarını cəmləşdirir.

İxtisas onunla fərqlənir ki, radionaviqasiya, radiolokasiya, televiziya, multimedia və rabitə, radioidarə, radioelektron mübarizə sistem­lə­ri­nin, həmçinin digər xüsusi məqsədli sistemlərin və onların xalq təsərrüfatının müxtəlif sahə­lərində istifadə üsullarının elmi, texniki və texnoloji tədqiqatlarını və işləmələrini özündə ehtiva edir. İxtisas aşağıdakı məsələlər üzrə tədqiqatları nəzərdə tutur: yeni radiotexniki hadisələr nəzəriyyəsinin, yeni qurğuların nəzəriyyəsinin yaradılması, sistemlərin, qurğu­ların və onların elementlərinin yeni iş prinsiplərinin yaradılması, yeni radio­material­ların və komponentlərin, yeni layihələndirmə üsullarının yaradılması və etibarlığın təmin edilməsi, radioelektron qurğuların yeni texnoloji proseslərinin yaradılması və sınaqlarının aparılması üzrə tədqiqatlar.